Festenau deis Arts dau Circ 2013 / Festival des Arts du Cirque 2013 / Festival of Circus Arts 2013 / Festival de las Artes del Circo 2013 (Graveson)

Lei 18 e 19 de Mai 2013 s’es debanat a Graveson au Centre culturau lo Festenal deis Arts dau Circ. 

Per aquesta escasença plusiors atelhiers èran porgits au public lo Dissabte 18 de Mai entre 13h30 e 20h.  Es dins aquest encastre que leis organisators de la manifestacion avian convidats l’Associacion Imagine Tours / Radio Coupo Santo e l’Escòla Calandreta d’Aurenja  per venir testimoniar de l’existéncia dins nostra region d’una Lenga propria, l’Occitan sota sa forma Provençala e mai particulièrament de son ensenhament aitant ben au dintre dau sistèma escolari coma dins lo domèni associatiu . 

Bernard Vaton dau Escòla Calandreta d’Aurenja  es donc anat, aquest jorn,  animar un atalhier « Descuberta dau Provençau », e mai que lo monde siegue vengut puslèu per lo Circ e la Dansa, d’unei familhas se son aventuradas fins au caire de la sala que nos èra reservat .

A poscut balhar una entresenha globala sus la Lenga e son ensenhament e subretot semondre ais enfants un pichot joc de lengatge que li permetian de se presentar un a l’autre en Lenga d’Oc . 

De tot biais fau laissar de caire deguna escasença de charrar e de faire charrar la Lenga que se saup jamai s’aurem pas fach grelhar per destenèmbre una pichota grana, d’aici o d’ailà .